The Chief Justice of the Maldives addressing the 7th Congress of AACC.ދިވެހިރާއްޖޭގެ އުއްތަމަފަނޑިޔާރު އޭ.އޭ.ސީ.ސީގެ 7ވަނަ ކޮންގްރެސްގައި ބައިވެރިވެ ވަޑައިން ތަޤްރީރު ކުރެއްވުން.
The following information is not available in the selected language.
އުޒްބެކިސްތާންގެ ސަމަރުޤަންދުގައި 2026 އޮކްޓޯބަރު 1ން 2ށް ކުރިއަށްދިއަ އެސޯސިއޭޝަން އޮފް އޭޝިއަން ކޮންސްޓިޓިއުޝަނަލް ކޯޓްސް އެންޑް އިކުއިވަލަންޓް އިންސްޓިޓިއުޝަންސް(އޭ.އޭ.ސީ.ސީ)ގެ 7ވަނަ ކޮންގްރެސްގައި ދިވެހިރާއްޖޭގެ އުއްތަމަފަނޑިޔާރު ޢަބްދުލްޣަނީ މުޙައްމަދު ބައިވެރިވެ ވަޑައިންނެވިއެވެ. މި ކޮންގްރެސްގައި އޭ.އޭ.ސީ.ސީގެ މެމްބަރު 18 ޤައުމަކުން އެޤައުމުތަކުގެ އެންމެ މަތީ ކޯޓުތަކުގެ އިސްވެރިން ބައިވެރިވެވަޑަގެންނެވިއެވެ. މި ކޮންގްރެސްގެ ދެވަނަ ދުވަހުގެ ޕްލެނަރީ ސެޝަންގައި ދިވެހިރާއްޖޭގެ އުއްތަމަފަނޑިޔާރު ޢަބްދުލްޣަނީ މުޙައްމަދު ތަޤްރީރުކުރެއްވިއެވެ. އެމަނިކުފާނު ތަޤްރީރު ކުރައްވާފައިވަނީ "ފްރޮމް ކޭސް ބެކްލޮގްސް ޓު ޓައިމްލީ ޖަސްޓިސް: ޑިޖިޓަލް ޓްރާންސްފޯމޭޝަން ފޮރ ސްޓްރެންތަނިންގ ޖުޑީޝަލް ޕާރފޯމަންސް އެންޑް ޕަބްލިކް ޓްރަސްޓް" {މައްސަލަތައް ލަސްނުވެ އަވަސް އިންސާފަށް: ޢަދުލު އިންސާފު ޤާއިމު ކުރުމުގެ ފެންވަރު ރަނގަޅުކޮށް އިތުބާރު އުފެއްދުމުގެ ޑިޖިޓަލް ޓެކްނޮލޮޖީގެ ދައުރު} މި މަޢުޟޫއަށެވެ. އުއްތަމަފަނޑިޔާރުގެ ތަޤްރީރުގައި ކޯޓުތަކުގައި ނުނިމިހުރި މައްސަލަތައް ނިންމުމުގެ ޚާއްޞަ މަސައްކަތް ރާއްޖޭގައި ކުރިއަށްދާ ގޮތާއި، ޓެކްނޮލޮޖީ އަދި އޭ.އައިގެ އެހީގައި ކޯޓުގައި ހުރި މައްސަލަތައް ލަސްވާ ސަބަބު ދެނެގަތުމަށް އަދި ޝަރީއަތުގެ މަސައްކަތްތައް އަވަސްކުރެވިދާނެ ގޮތްތަކަށް އަލި އަޅުވާލެއްވިއެވެ. އަދި ޓެކްނޮލޮޖީއާއި އޭ.އައި ކުރިއަރައިގެން ދިޔަ ނަމަވެސް ފަނޑިޔާރުން ކުރައްވާ މަސައްކަތްޕުޅު ނުވަތަ ކޯޓަށް ހުށަހަޅާ މައްސަލައަށް ގޮތް ނިންމުމުގައި ފަނޑިޔާރުގެ ދައުރު އަލްގޯރިދަމްއަކަށް ދޫކޮށްލުމަކީ ކުރެވޭނެ ކަމެއް ނޫންކަމަށާއި އެހެންކަމުން ޖުޑީޝަރީތަކުން އަމާޒު ހިފަންޖެހޭނީ އޭ.އައި ފަދަ ޓެކްނޮލޮޖީތަކަކީ ޖުޑީޝަރީތަކަށް އެހީތެރިވެދޭ ޓެކްނޮލޮޖީތަކެއް ކަމުގައި ހެދުމަށް ކަމަށް ވިދާޅުވިއެވެ. އަދި ރާއްޖޭގެ ޖުޑީޝަރީގައިވެސް މި އުޞޫލުން ބައެއް މަސައްކަތް ކުރެވޭ ކަމަށާއި އަދި ރާއްޖޭގައި ވަށާޖެހޭ ކޭސް މެނޭޖްމަންޓް ސިސްޓަމެއް ބޭނުން ކުރެވިގެން ދިއުމާމެދު ކުރެވޭ ތަސައްވުރު ހިއްސާކުރެއްވިއެވެ.
މި ކޮންގްރެސްގެ ހަވާސާގައި ކޮންގްރެސްގައި ބައިވެރިވެ ވަޑައިންނެވި އެހެން ޤައުމުތަކުގެ އުއްތަމަ ފަނޑިޔާރުންނާއި ދުސްތޫރީ ކޯޓުތަކުގެ ފަނޑިޔާރުންނާ ޖުޑީޝަރީތަކުގެ އިސްވެރިންނާ ދެމެދު ބޭއްވުނު މުހިއްމު މަޝްވަރާތަކެއްގައި ދިވެހިރާއްޖޭގެ އުއްތަމަފަނޑިޔާރު ބައިވެރިވެވަޑައިގެންނެވިއެވެ. މި ކޮންފަރެންސްގައި ދުސްތޫރީ ކޯޓުތަކުގައި އޭ.އައި ބޭނުން ކުރުމާބެހޭ ގޮތުން ބައިވެރިން އެއްބަސްވާ ހަމަތަކުގެ މައްޗަށް ބިނާވާ ޤަރާރެއް "ސަމަރުޤަންދު ޑިކްލަރޭޝަން"ގެ ނަމުގައި އެކުލަވާލައި ފާސްކޮށްފައިވެއެވެ.